Literal nga naa sa ex ang Forever human magpakasal ang kanhi Viva Hot Babes member nga si Zara Lopez kang Simon Javier nga iyang ex, human sa ilang surprise engagement.
Gipaambit ni Zara sa Facebook ang mga litrato gikan sa ilang simple ug intimate nga kasal, diin mitambong ang ilang suod nga pamilya ug mga higala.
Sa iyang miaging post, gipadayag ni Zara ang iyang kalipay ug pasalamat kang Simon tungod sa higayon nga iyang nasinati pag-usab ang pagpakasal. Matud pa niya, wala niya damha nga makasal pa siya ug gisalig niya sa Ginoo ang iyang kinabuhi.
Una nang nagbulag ang duha, apan nagpabiling magtinabangay isip mga ginikanan sa ilang anak nga si Sapphire. Paglabay sa pipila ka bulan, nagbalik ang ilang relasyon ug mipadayon pag-usab isip magtiayon.
Bisan og simple lamang ang ilang seremonya, gibutyag ni Zara nga nagplano sila og mas dako nga selebrasyon sa sunod tuig.
Photo courtesy: Push
