Ginkumpirma sang Gobyerno-Probinsiyal sang Sultan Kudarat nga ang Philippine Airlines mangin Official Airline Partner sang Mindanao Tourism Expo 2026 nga pagahiwaton mismo sa nasambit nga probinsiya.
Ang Tourism Expo pagahiwaton halin Oktubre 2 tubtob 4, 2026, kun sa diin ginapakita ang plataporma sa pagpakilala sang kultura, talan-awon, kag mga Tourist Destination sa Mindanao.
Pinaagi sa partnership sang Philippine Airlines, ginapaabot nga mangin mas mahapos para sa mga turista kag bisita ang pagbiyahe pakadto sa Mindanao kag pagtambong sa nasambit nga aktibidad.
Gina-agda ang publiko nga markahan ang petsa kag magpreparar sa pagdiskubre sang nagkalain-lain nga tourist attraction kag eksperyensya nga ginatanyag sang rehiyon.
Ang Mindanao Tourism Expo 2026 pagahiwaton sa suporta sang mga tourism stakeholder kag sang Probinsya sang Sultan Kudarat.
Photo courtesy: Gov. Datu Pax Ali S. Mangudadatu
