Nagpanguna ang Banwa sang Bagumbayan sa may pinakadamo nga nakapasar sa bug-os nga Probinsya sang Sultan Kudarat sa ginpatigayon nga Provincial GEMS Assessment para sa Sangguniang Kabataan.
Pormal nga ginkumpirma sang Provincial Youth Development Office ukon PYDO ang 15 ka Barangay sa Bagumbayan nga nakapasa sa assessment kun sa diin ginpatigayon ang pinal nga screening sang Setyembre, 14, 2026.
Lakip diri ang Barangay Kapaya, Kinayao, Bai Sarapinang, Sumilil, Biwang, Tutilok, Sison, Busok, Chua, Monteverde, Kanulay, Daguma, Masiag, South Sepaka kag Tuka.
Gindayaw sang lokal nga gobyerno kag Local Youth Development Office ukon LYDO Bagumbayan, sa pagpanguna ni Ma’am Mai Gambet, ang dedikasyon sang mga SK leader sa pagpauswag sang pamunoan kag serbisyo para sa kabatan-onan.
Ang resulta ginakabig nga pagpakita sang aktibo nga partisipasyon kag pagpreparar sang mga lider nga kabataan sa ila responsibilidad sa tagsa ka barangay.
Photo courtesy: Provincial Youth Development Office – Sultan Kudarat
