Nagpagawas sang paandam ang Sultan Kudarat Police Provincial Office, PNP PRO-12, batok sa paggamit sang armas kag paghimakas sang respeto pinaagi sa bayolente nga pamaagi.
Pinaagi sa kampanya nga may mensahe nga, “One Choice Can Erase Your Future,” ginapahanumdom ang publiko, ilabi na ang kabataan, nga ang isa lamang ka sayop ukon mali nga desisyon mahimo makaapekto sa ila palaabuton.
Suno sa mensahe sang kampanya, ang respeto indi makuha pinaagi sa pagdala ukon paggamit sang armas, kundi ginakabig nga resulta sang maayo nga binuhatan.
Ginapakita man ang posible nga epekto sang bayolente nga aksyon sa edukasyon, trabaho kag palaabuton sang isa ka indibidwal.
Ginaagda sang kapulisan ang publiko nga maglikaw sa bayolente nga mga binuhatan kag maghimo sang responsable nga desisyon para sa mas maayo nga palaabuton.
Photo courtesy: PNP Sultan Kudarat Police Provincial Office
