Nagpatigayon sang Skills Training Program ang Sultan Kudarat Police Provincial Office ukon SKPPO kag Technical Education and Skills Development Authority ukon TESDA-Sultan Kudarat para mapalambo ang kaalam kag abilidad sang mga Police Personnel kag ila mga dependent.
Pormal nga ginlunsar ang Training Induction Program para sa PV System Installation Maintenance NC II kag Cookery NC II sang Setyembre 23, 2026 sa Magilas Hall, Camp Colonel Amando M. Dumlao, Sr., Isulan, Sultan Kudarat.
Pipila ka pinili nga SKPPO personnel kag PNP dependents ang makabenepisyo sa programa nga nagahatag sang TESDA-certified technical skills para sa dugang nga livelihood kag employment opportunities.
Suno kay PCOL Marvin A. Fontalva, Acting Provincial Director sang SKPPO, importante ang padayon nga skills development agud mapalig-on indi lamang ang mga personnel kundi pati ang ila mga pamilya.
Samtang, ginpahayag sang TESDA-Sultan Kudarat nga padayon sini nga suportahan ang PNP pinaagi sa Technical-Vocational Training nga makahatag sang mas madamo nga oportunidad para sa Sustainable Livelihood.
Ginapatuman ang inisyatibo bilang kabahin sang SKPPO Strategic Development Project MAF—Mentorship, Advocacy, and Force Readiness, nga may tinutuyo sa pagpa-uswag sang Personnel Welfare, Family Empowerment kag Organizational Readiness.
