Nakuratan ang usa ka babaye sa dihang pulis mismo ang mitunol sa iyang gi-order nga pizza sa iyang pultahan. Sumala sa report, nasikop ang delivery rider human siya gipahunong sa mga pulis tungod sa giingong reckless driving ug racing.
Apan tungod nakita sa pulis nga dala pa sa rider ang pizza nga iyang i-deliver, busa imbes kanselahon ang order, ang mga pulis na mismo ang mipadayon sa delivery order.
Makita sa body-camera footage sa Tempe Police Department ang higayon nga miabot ang usa ka pulis sa balay ug gitunol ang pizza sa customer.
Klaro usab nga nalisang ang babaye sa iyang nakita kay wala kini magdahom nga pulis ang moabot imbes ang delivery rider. Gani nasayran nga ang pizza gikan sa Little Caesars, ug bisan nadakpan ang rider, nakaabot gihapon kini sa tukmang destinasyon.
Photo courtesy: Techworm
