Gipadayag sa 26-anyos nga Pinoy gymnast nga si Carlos Edriel Yulo nga tibuok ug kumpleto na gayud ang koleksyon sa mga medalya nga iyang gipangandoy sukad sa iyang pagsugod sa gymnastics sa nag-edad pa siya og 7 ka tuig. Kini human nakuha ni Yulo ang pinakaunang gold medal sa Team Philippines sa nagpadayon nga 20th Asian Games nga gipahigayon sa Nippon Gaishi Hall Rainbow Hall didto sa Japan.
Gidominar ni Yulo ang finals sa men’s floor exercise sa artistic gymnastics human nakatala og 14.666 points aron labwan sila si silver medalist Karim Milad (14.600) sa Kazakhstan ug bronze winner Tsukiyama Shoma (14.566) sa Japan. Ang maong kadaugan mao usab ang pinaka-unang gymnastics gold medal sa Pilipinas sa kasaysayan sa pag-apil sa nasod sa Asian Games.
Gawas sa maong bag-ong kadaugan sa Asiad, gipasigarbo usab ni Yulo ang iyang mga nakab-ot nga duha ka Gold sa 2024 Paris Olympic Games, duha ka gold sa FIG World Championships (2019 ug 2021), tulo ka gold sa Asian Championships (2022, 2023, ug 2025), ug siyam ka gold sa Southeast Asian Games, gawas pa sa iyang mga medalya sa Palarong Pambansa ug National Games
Photo courtesy:OneSports
