Posibleng mosaka sa ₱1,500 ang presyo sa Philippine passport gikan sa kasamtangang ₱950, tungod sa hangyo sa APO Production Unit nga ipataas ang bayad aron mapadayon ang produksyon sa passport niadtong Setyembre 20,2026.
Gipadayag kini atol sa hearing sa 2027 budget sa Department of Foreign Affairs o DFA, diin gipangutana ni Senator JV Ejercito ang posibilidad sa pagtaas sa presyo.
Apan gihangyo ni Foreign Affairs Secretary Theresa Lazaro nga ipalangan una ang pagtaas sa bayad hangtod sa tunga-tunga sa 2028, aron masabay kini sa pagpagawas sa bag-ong henerasyon sa Philippine passport.
Kung aprobahan, mahimong ₱1,500 ang regular nga bayad, samtang ₱1,200 ang diskwentong bayad alang sa mga senior citizen, OFW ug uban pang kwalipikadong aplikante.
Sa pagkakaron, panukala pa lamang ang pagtaas sa presyo ug wala pa kini mahimong opisyal nga bag-ong bayad sa passport.
Photo courtesy:Spot.ph
