Patay ang usa ka 21-anyos nga lalaki human gipusil sa usa ka 42-anyos nga tricycle driver pasado alas-3:15 sa hapon niadtong Setyembre 19, 2026, sa Hacienda San Antonio, Barangay Mabini, Cadiz City, Negros Occidental. Giila ang biktima nga si Jay Roze y Martisanon, residente sa Hacienda San Fiel, Barangay Mabini, Cadiz City NEGROS Occidental.
Samtang ang gitumbok nga suspek mao si Edmar Amores y Son, 42 anyos, residente sa Hacienda San Antonio, Barangay Mabini.
Sumala sa inisyal nga imbestigasyon sa Cadiz PNP, nagmaneho sa iyang motorsiklo ang biktima ug angkas ang usa ka menor de edad dihang kalit silang gipugngan sa suspek. Gipusil sa suspek ang biktima gamit ang wala pa matino nga armas ug dayon daling misibat human sa insidente.
Matod sa inisyal nga impormasyon, adunay naunang panaglalis tali sa biktima ug suspek sa wala pa nahitabo ang pagpamusil. Padayon pa ang hot pursuit operation sa kapulisan para sa posible nga pagkadakop sa suspek.
Photo courtesy: Cadiz City Police Station PNP
