Gipamubo sa Malacañang ang oras sa trabaho sa mga opisina sa gobyerno sa Setyembre 28, 2026, aron hatagan og panahon ang mga empleyado nga makasaulog uban sa ilang pamilya sa 34th National Family Week ug Kainang Pamilya Mahalaga Day.
Base sa Memorandum Circular No. 136 nga gipirmahan ni Executive Secretary Ralph Recto niadtong Setyembre 16, suspendido ang trabaho sa mga opisina ubos sa Executive Branch sugod ala 1 sa hapon sa maong petsa.
Apil niini ang mga ahensya ug instrumentalities sa gobyerno, government-owned or controlled corporations, ug state universities and colleges.
Apan magpadayon ang operasyon sa mga ahensyang naghatag og basic ug health services, disaster preparedness ug response, ug uban pang importanteng serbisyo.
Giawhag usab sa Malacañang ang ubang sangay sa gobyerno, independent commissions ug bodies, ingon man ang pribadong sektor, nga ikonsiderar ang pagsuspenso sa trabaho aron mahatagan ang mga pamilya og higayon sa pagsaulog sa National Family Week.
Ang National Family Week gitumong sa pagpalig-on sa panaghiusa, panag-solidaridad ug kalig-on sa pamilyang Pilipino isip batakang pundasyon sa katilingban.
Photo Courtesy: PCO
