Nasignit sa gikasang drug buy bust operation sa kapulisan ang us aka drug suspect niadtong milabayng adlaw sa Barangay Lintangan, lungsod sa Sibuco, Zamboanga del Norte.
Giila ang dinakpan nga si alyas Greg, 38 anyos, mag-uuma ug residente sa maong lungsod kinsa nasakmitan sa 7 ka mga pakete sa shabu, buy bust money ug uban pang mga non-drug items. Mokabat sa duha ka gramo ang nasakmit nga druga gikan sa dinakpan nga nagkantidad ug Php10,200.00.
Gilusad ang maong operasyon pinaagi sa mga personahe sa Sibuco Municipal Police Station Municipal Drug Enforcement Team kauban ang 2nd Zamboanga del Norte Provincial Mobile Force Company hinungdan sa malampusong pagkasikop niini.
Balhog na sa Sibuco MPS ang suspetsado ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
