Gideklarar sa Fiji ang national HIV emergency human misaka pag-ayo ang gidaghanon sa bag-ong HIV cases sa nasod. Sumala sa gobyerno, kapin 2,000 ang bag-ong HIV diagnoses niadtong 2025, samtang gibanabana nga usa sa matag 60 ka hamtong sa Fiji ang adunay HIV.
Kapin katunga sa mga kaso nga adunay nailhang transmission nalambigit sa sexual transmission, samtang kapin 42 porsyento nalambigit sa injecting drug use.
Gipalapdan karon sa Fiji ang libreng HIV testing, prevention services ug treatment, lakip ang rapid testing ug harm-reduction measures para sa mga nag-inject og droga.
Photo Courtesy: Joseph Mmwa
