Gikalingawan karon sa socmed ang usa ka edaran sa nasud united kingdom nga Si Betty Bromage, 97-anyos diin lahi ang trip niini kong ang uban anaa sa balay nagpahuway, nagbantay ug apo apan kini si lola mitindog sa pako sa naglupad nga eroplano ug nag-loop-the-loop pa gyud.
Tungod sa iyang stunt, nakakuha si Bromage og duha ka Guinness World Records isip pinakatigulang nga babaye nga wing walker ug nakahimo og loop-the-loop wing walk. Gihimo niya ang stunt niadtong Agosto 4 sa usa ka airfield sa Cirencester, Gloucestershire, isip pagpangita og pondo alang sa Cheltenham Gloucester Hospitals Charity.
Dili na usab bag-o kang Bromage ang stunt sa kahanginan. Niadtong 2022, sa edad nga 93, nakuha na niya ang record isip oldest female wing walker.
Sa iyang pinakabag-ong flight, misugot pa siya sa sugyot sa piloto nga mag-loop-the-loop. Matud pa niya, kinahanglan lang siyang mosalig sa piloto samtang mobaliktad ang eroplano.
Ug ang pinakalingaw Wala pa siya nagplano nga mo-retire sa iyang pagka-adventurer. Kung moabot siya og 100 anyos, posible pa siyang mosulay pag-usab og wing walking.
Photo Courtesy: People.com
