Aprobado na ang ordinansa nga naghatag og World Teachers’ Day Incentive nga hangtod P5,000 alang sa mga kwalipikadong teaching ug non-teaching personnel sa DepEd Division of General Santos City ug Early Childhood Care and Development o ECCD.
Tumong sa maong insentibo nga ilhon ug mapasalamatan ang kakugi, sakripisyo ug dedikasyon sa mga magtutudlo ug support personnel sa pag-atiman ug paghulma sa kaugmaon sa mga kabatan-onan sa siyudad.
Gilauman nga pinaagi niini, mapakita sa lokal nga pangagamhanan ang pag-ila ug suporta sa mga education personnel nga padayong nagserbisyo alang sa mga kabatan-onan sa General Santos City.
