Nagkauli na ang mga pamilyang Macondara, Mapandi, Diragon, Sirad ug Sanggacala human nipirma sa usa ka Peace Covenant atol sa community-based violence settlement nga gipahigayon niadtong Septiyembre 17 sa SP Session Hall, Provincial Capitol, Pigcarangan, Tubod, Lanao del Norte.
Nipirma ang mga pamilya sa Peace Covenant ug nanumpa ibabaw sa Balaang Qur’an isip timaan sa ilang paningkamot alang sa panag-uli ug malungtarong kalinaw.
Mitambong usab si LDN PPO Provincial Director PCOL Leo De Leon Sua, uban sa Provincial Government, PNP, AFP, lokal nga mga opisyal, community leaders ug uban pang stakeholders sa pagpalig-on sa kalinaw ug seguridad sa probinsya.
