Ipahigayon ang School-Based Immunization Program sa mga pampublikong eskwelahan sa Iligan City gikan Oktubre 7 hangtod Nobyembre 2026, pinaagi sa koordinasyon sa City Health Office ug DepEd Iligan City Division.
Tumong niini nga mapanalipdan ang mga kabataan batok sa mga sakit nga malikayan pinaagi sa bakuna ug mapalig-on ang ilang resistensya.
Libre ang Measles-Rubella (MR) ug Tetanus-Diphtheria (TD) vaccine alang sa Grade 1 ug Grade 7 learners, samtang ang HPV vaccine ihatag sa mga babaye nga Grade 4 ug Grade 5.
Padayon nga gihangyo CHO-Iligan ang mga ginikanan nga suportahan ang programa ug pun-on ang vaccination consent form aron mapadali ang pagbakuna ug mapanalipdan dili lamang ang mga bata, kundili ang tibuok komunidad.
