Herido El Un 48 Anios Mujer Ya Identifica Amo Si Jovelyn M. Baylon, Residente Des Del Sitio Basagan, Barangay Curuan, Este Des Pues Queda Este Victima Na Mas Reciente Insidente De Tiro, Que Ya Ocuri Na Mencionao Lugar Del Setiembre 18 Pasada Alas 7 Del Noche.
Mientrastano Na Imbestigasyon Ta Aparece Antes De Ocuri El Insidente, Estava Segun El Victima Sena Na De Este Sister In Law Na Sitio Buntod, Barangay Buenavista, Y Despues El Cuantos Minuto Ya Bolve Ya Este, Y Cuando Ya Llega Este Na De Este Residencia Cuando Ya Abaha Na Motors Derefenta Ya Lang Ya Aparece El Riding In Tandem, Y Sin Probocasyon Ya Anda Con Este Repica De Tiro.
Ademas Este Maga Tiempo El Victima Ta Continua El De Este Curada Medical Na Un Ospital, Mientras Por Medio Tambien Del Sindescanso Followup Operation Del Otoridad, Este Maga Tiempo El Dos Suspechao Na Insidente Na Custodia Ya Del Otoridad, Donde Ya Conuse Amo Canda Darwin Guevara Dayday, 38 Anios Un Driver Y Si Jordan Delos Santos Villanueva 42 Anios Un Construction Worker Ambos Maga Residente Des Del Sitio Basagan Barangay Curuan.
