Giduso sa House of Representatives ang mga lakang alang sa mas hugot nga seguridad sa mga eskwelahan ug mas lig-on nga safeguards sa paggamit ug pagtipig sa mga armas.
Ang maong lakang gisundan sa pagpamusil sulod sa usa ka eskwelahan sa Banga, South Cotabato nga miresulta sa pagkamatay sa tulo ka tawo, lakip ang gunman.
Gipasiugda sa mga lider sa Kamara ang panginahanglan nga mapalig-on ang mga balaod bahin sa firearms aron malikayan ang paggamit niini sa mga insidente sulod sa mga eskwelahan. Samtang, gisugo ni Presidente Ferdinand Marcos Jr. ang mas lawom nga imbestigasyon sa maong insidente.
Photo Courtesy: PNA
