Giaprobahan na sa House of Representatives sa ikatulo ug katapusang pagbasa ang House Bill No. 9642 o ang “New Espionage Act” pinaagi sa 247 ka boto pabor, 10 batok, ug walay abstention.
Ang maong balaodnon, nga unang naaprubahan sa ikaduhang pagbasa niadtong Septiyembre 7, 2026, nagtumong sa pagpalapad sa konsepto sa espionage aron masakop ang mga modernong hulga sa national security pinaagi sa cyber networks, drones, financial channels, ug pag-atake sa critical infrastructure. Lakip sa target sa maong lakang ang dili awtorisadong paghawid sa classified information, ilegal nga pag-access sa mga plano sa defense facilities, ug pagpuyo-puyo sa mga protektadong assets sa nasod.
Ubos sa maong panukala, ang siyasat nga mapamatud-ang nakasala sa espionage ug conspiracy to commit espionage mag-atubang og tibuok kinabuhing pagkabilanggo ug multa nga ₱10 milyon hangtod ₱20 milyon. Permanenteng mawad-an og katungod nga mogunit og pampublikong posisyon ang mga opisyal sa gobyerno nga makalapas, samtang ipailalom sa court-martial ang mga sakop sa militar.
Ipaapil usab ang Anti-Money Laundering Council (AMLC) sa pag-imbestiga sa mga pondo nga konektado sa maong ilegal nga aktibidad, samtang maghulat na lang ang panukala sa pag-aproba sa Senado ug sa pirma sa Presidente aron hingpit nga mahimong balaod
Photo Courtesy: House of Representatives
