Gisuportahan sa Department of Energy (DOE) ang bag-ong mekanismo sa Energy Regulatory Commission (ERC) nga magpatuman og regional Secondary Price Cap (SPC) sa matag power grid. Gihimo ang maong lakang aron direktang mapanalipdan ang mga konsumidor sa Visayas ug Mindanao batok sa kalit ug grabe nga pagmahal sa presyo sa kuryente sa Wholesale Electricity Spot Market (WESM) nga kasagaran mahitabo sa mga outage sa mga power plant ug kakulang sa suplay.
Gipadayag ni Energy Secretary Sharon Garin nga dili angay nga ang mga lungsuranon maoy mopas-an sa bug-at nga bayronon samtang nagpadayon pa ang mga trabaho sa pag-ayo ug pagpalig-on sa mga reserve power sources sa nasod.
Magsugod ang pagpatuman sa maong price cap sa Agosto 2026 billing, diin gilauman nga dako ang makuha sa average price sa WESM—gikan sa ₱18.59 ngadto na lang sa ₱8.47 kada kilowatt-hour sa Visayas, ug gikan sa ₱19.56 ngadto sa ₱8.69 kada kilowatt-hour sa Mindanao. Bisan pa man niining dakong pag-ubos sa spot market, gipahinumdoman sa ERC ang publiko nga ang aktuwal nga epekto sa binulan nga bill sa kuryente magdepende gihapon sa matag lokal nga dapit, subay sa lebel sa exposure sa ilang distribution utility sa WESM ug sa kinatibuk-ang suplay sa ilang lugar
Photo Courtesy: Adobe stock
