Labing menos tulo ka tawo ang namatay human nahagsa ug nasunog ang usa ka news helicopter sa usa ka komersyal nga lugar sa Chatsworth, San Fernando Valley.
Nahitabong ang crash pasado alas-7 sa gabii samtang nag-cover ang mga news crew sa laing aksidente diin usa ka SUV mibangga sa usa ka city bus, nga miresulta sa pagkamatay sa duha ka tawo ug pagkaangol sa unom pa.
Matod sa Los Angeles Fire Department nga labing menos usa sa mga namatay sa helicopter crash nakit-an sa parking lot duol sa building. Usa usab ka tawo ang gidala sa ospital, apan wala pa masayri ang iyang kahimtang. Gitan-aw pa sa mga awtoridad kung pila ka tawo ang sakay sa helicopter.
Nasunog usab ang labing menos upat ka mga sakyanan ug duha ka storage container sa yuta, apan dali kining napalong sa kapin 50 ka bombero nga mitubag sa insidente. Ang helicopter giingong grabeng naguba tungod sa crash.
Ang National Transportation Safety Board (NTSB) ug Federal Aviation Administration (FAA) maoy nangulo sa imbestigasyon aron matino ang hinungdan sa aksidente.
Photo courtesy: BBC
