Dakpan ang giilang Regional Top Drug Priority Target sa gikasa nga joint manhunt operation sa kapulisan sa Barangay Iruhin Central, Tagaytay City, Cavite niadtong milabayng adlaw.
Giila ang dinakpan nga si alyas Kit, 43 anyos, giila nga Regional Top 1 Priority Target for Illegal Drugs sa Police Regional Office 9, Top 5 Most Wanted Person provincial level sa ZNPPO, ug Top 1 Most Wanted Person City level sa Dapitan CPS.
Gisikop ang akusado pinasikad sa warrant of arrest sa kasong paglapas sa RA 9165 nga gipagula sa Regional Trial Court, Ninth Judicial Region, Branch 8, Dipolog City, Zamboanga del Norte.
Gipangunahan ang maong operasyon sa mga personahe sa Zamboanga del Norte Police Intelligence Unit kauban ang Tagaytay City Police Station, Cavite Police Provincial Office, Dapitan City Police Station, Zamboanga del Norte Provincial Intelligence Team–Regional Intelligence Unit 9 ug 1st Zamboanga del Norte Provincial Mobile Force Company.
Temporary una nga gikustudiya sa Tagaytay Custodial Facility ang dinakpan samtang giandam ang pagbyahe ngadto sa Dapitan City Police Station alang sa tukmang disposisyon.
