Arestao El 3 Individual Despues Con Estos Coji Na Acto Ta Prepara Para Man Pot Session El Maga Personajes Del Ps-11 Na Un Abandonao Building Na Mayor Climaco Street, Barangay Zone 1, En Este Ciudad.
Con El Maga Suspechao Ya Identifica Como Canda Jamer Ismael Y Ama,45-Anyos Hombre Des Del Barangay Sta. Catalina,Kim Enriquez Y Aizon, 26-Anyos Soltero Des Del Barangay Tetuan Si Alkan Usman Y Faizal,28-Anyos Soltero Des Del Barangay Campo Islam.
Na Report Ta Aparcece,Mientras Ta Conduci Monitoring El Maga Otoridad Aserca Na Wanted Person Y Otro Illegal Actividad Ya Puede Estos Columbra Con El 3 Persona Na Iskuru Porcion Del Mencionao Lugar, Y Quando Ya Atraca El Maga Pulis Ya Coji Estos Na Acto Que Ta Prepara Ya Para Man Pot Session.
Na Mencionao Operacion, Ya Puede Confisca El Maga Otoridad Valor Php6,800.00 De Alegao Shabu Inclujido El Maga Drug Paraphernalia. Mientrastanto El Maga Evidencia Ya Lleva Na Zcfu9 Para El Propio Examinacion Mientras El Maga Suspechao Detenido Na Carcel Del Mencionao Estacion Del Pulis Para El Propio Despocicion.
