Dul-an tulo ka semana human sa kalit nga pagbaha sa Bhotekoshi-Trishuli river corridor duol sa utlanan sa China, ang Nepal nagbalhin gikan sa search-and-rescue operations ngadto sa relief ug reconstruction efforts. Matod sa mga awtoridad, 1,386 na ka lawas ang narekober sa lima ka apektadong distrito, samtang kapin 5,130 ka tawo ang padayon nga missing.
Ang grabeng baha, nga gituohang nahitabong sa pagkahugno sa usa ka glacier, nakaguba sa mga komunidad ug kapin usa ka dosenang hydropower facilities. Daghang dalan ug taytayan ang nangaguba, hinungdan nga naglisod ang mga rescue ug relief team sa pag-abot sa mga apektadong lugar.
Sa Uttargaya Rural Municipality, labing menos 618 ka balay ang naanod o nalubong ug 877 ka tawo ang missing. Tungod sa pagkaguba sa pampublikong yuta, ang ubang pamilya napugos sa pag-adto sa Kathmandu aron himoon ang kataposang ritwal alang sa ilang mga namatay nga minahal.
Nag-atubang usab ang Nepal og dakong gasto alang sa reconstruction, nga gibanabana sa 723.3 bilyon ka Nepalese rupees o kapin $4.7 bilyon.
Gitinguha sa gobyerno nga gamiton ang reconstruction isip oportunidad sa pagtukod og mas lig-on nga imprastraktura batok sa climate change, samtang nanawagan usab kini sa internasyonal nga komunidad alang sa dugang nga suporta ug aksyon batok sa global warming.
Photo courtesy: World Bank
