Mahimong mas balanse ang valuation sa umaabot nga IPO sa Mynt Inc., operator sa GCash, kung ibutang sa P8 kada share, sumala sa mga analyst. Matod ni Ron Acoba, chief investment strategist sa Trading Edge, mas angay kini nga entry point alang sa mga investors samtang nag-normalize ang earnings growth sa kompanya.
Sa P8 matag share, ang Mynt mahimong ma-trade sa palibot sa 24.7 ka pilo sa annualized 2026 earnings. Giila usab ni Acoba nga lig-on ang posisyon sa GCash sa digital financial services, apan nakasinati kini og paghinay sa earnings growth. Sa unang katunga sa 2026, misaka lang og 7.8% ang net income, samtang miubos og 6.2% ang profit sa ikaduhang quarter.
Kung P9 hangtod P10 ang presyo sa IPO, mas taas ang valuation ug mas dako ang panginahanglan og pagsalig nga mopaspas pag-usab ang earnings growth sa Mynt. Sa P10, ang kompanya ma-value sa 38.8 ka pilo sa 2025 earnings ug 30.9 ka pilo sa annualized 2026 earnings.
Giklaro na sa Securities and Exchange Commission ang Mynt nga makabaligya og shares hangtod sa P10 kada share, nga posibleng makatigom og hangtod P92.32 bilyon. Target sa kompanya ang offer period gikan Oct. 6 hangtod Oct. 12, ug ang paglista sa Philippine Stock Exchange sa Oct. 20 ubos sa ticker symbol nga “GCASH.”
Photo courtesy:Linkedln
