Giisip sa Department of Labor and Employment (DOLE) nga ilegal ang “one-peso-per-parcel” nga sistema sa social media personality nga si Rosmar Tan Pamulaklakin nailhan nga “Rosmar Tan”. Kahinumdoman nga niadtong miaging Agosto, nangita si Rosmar og mga tawo nga mag-empake sa mga parcel, diin nagtanyag siya og bayad nga pesos matag item base sa gidaghanon sa naputos.
Daghang mga netizen ang kusganong misupak niini nga sistema sa pagbayad. Gani, ang law professor nga si Josiah David Quising misulat mismo sa DOLE aron mangutana bahin sa maong butang. Sumala sa DOLE, ubos sa Artikulo 101 sa Labor Code of the Philippines, gimandoan ang DOLE Secretary nga mag-regulate sa mga sistema sa pagbayad nga nakabase sa resulta ug uban pang trabaho nga wala gibase sa oras—lakip na ang *pakyaw* (piecework)—aron masiguro ang patas ug makatarunganon nga kantidad sa sweldo.
Tungod niini, gipasiugda sa DOLE nga ang mga trabahante nga gibayran base sa resulta kinahanglan nga makadawat og dili moubos sa kasamtangang statutory minimum wage rate sa ilang rehiyon alang sa standard nga oras sa trabaho. Samtang gipaabot ang pahayag sa habig ni Rosmar bahin sa maong isyu, apan wala pa siya makahatag og tubag.
Photo Courtesy: @rosmartan Tiktok
