Dakpan ang 36 anyos nga lalaki kinsa nagpayuhot sa ginadiling drugang shabu pinaagi sa gilusad nga drug buy bust operation sa kapulisan niadtong milabayng adlaw sa Barangay Manaol, lungsod sa Siocon, Zamboanga del Norte.
Nasikop sa maong operasyon si alyas Dondon, kinsa nasakmitan sa 5 ka mga heatsealed transparent plastic sachet nga dunay sulod sa gituohang shabu, dugang nasakmit gikan sa iyang posisyon ang 500 peso bill nga buy bust money ug uban pang mga non-drug items.
Motimbang sa 2 ka gramo ang nasakmit nga druga gikan sa dinakpan nga nagkantidad ug Php13,600.00.
Tingkagol sa selda sa Siocon MPS ang dinakpan alang sa tukmang disposisyon samtang ang mga nasakmit nga ebidensya giturnover sa Zamboanga del Norte Provincial Forensic Unit alang sa eksaminasyon.
