Naalarma ang mga residente sa Hanamkonda, Telangana, India, human makakita og usa ka lalaki nga naglutaw ug wala maglihok sa usa ka pond. Tungod niini, dali silang nanawag og pulis kay abi nila og usa na kini ka patayng lawas.
Apan pag-abot sa mga awtoridad, nakurat sila sa ilang Nakita, buhi ang lalaki ug natulog ra diay sa tubig! Matud sa report, ang lalaki usa ka worker sa granite quarry sa Kazipet ug nagtrabaho og 12 oras matag shift.
Tungod sa grabeng kakapoy human sa sunod-sunod nga trabaho, miadto siya sa pond aron magpabugnaw ug mopahulay. Apan samtang nagpahayahay sa tubig, nakatulog kini, maong abi sa mga nakakita kaniya nga namatay na.
Sa pagduol sa mga pulis, dako ang ilang kakurat human kining kalit nga ning bakud. didto lamang napamatud-an nga buhi pa ug okay ra ang kahimtang sa maong lalaki. Mao kini ang pahinumdom nga usahay, ang atong makita makapakulba, apan dili diay mao ang atong gihunahuna!
Photo Courtesy: Kwnto
