Gipatuman sa mga kawani sa Surigao City Jail kauban ang koordinasyon sa Philippine Drug Enforcement Agency o PDEA, sa gilusad nga Greyhound Operation sulod sa jail facility isip kabahin sa padayong paningkamot aron mapadayon ang kaluwasan, seguridad ug kahapsay sulod sa prisohan.
Pinaagi sa inspeksyon sulod sa pasilidad, gisusi sa mga otoridad ang posibleng presensya sa mga gidili ug kontrabando nga mga butang nga mahimong makasulod o matago sulod sa jail facility. Hinuon sa maong operasyon, walay nakit-ang kontrabando o bisan unsang gidili nga mga butang sulod sa pasilidad.
Gipakita sa maong kalihukan ang lig-on nga koordinasyon tali sa Surigao City Jail ug PDEA sa hugot nga seguridad sulod sa prisohan, pagpugong sa pagsulod sa kontrabando, ug pagsiguro sa kaluwasan ug kaayohan sa mga Persons Deprived of Liberty o PDLs, lakip na sa ilang pasilidad.
