Ibalhin na sa New Quezon City Jail sa Payatas si kanhi House Speaker Martin Romualdez, human nakumpirma sa mga doktor sa Philippine General Hospital o PGH nga stable na ang iyang kahimtang ug wala na siyay panginahanglan nga magpabilin sa ospital.
Gibalhin si Romualdez ngadto sa jail alas 10:09 sa gabii kagahapong adlawa, subay sa mando sa Sandiganbayan Third Division. Gipahibalo usab sa korte nga alas 8:30 sa buntag karong Miyerkules, Setyembre 16, ang arraignment ug pre-trial ni Romualdez sa iyang giatubang nga P7.44-billion plunder case.
Sa arraignment, pahunungon si Romualdez aron mosulod sa iyang plea o tubag kung guilty ba o not guilty sa kaso. Sumala sa mga doktor sa PGH, clinically stable si Romualdez ug wala’y nakitang kondisyon nga nagkinahanglan pa kaniya og hospital confinement. Gawas pa niini, nakumpirma nga aduna siyay chronic coronary artery disease ug chronic cerebrovascular disease.
Gisiguro usab sa mga opisyal sa Quezon City Jail nga maatiman ang iyang medical needs sulod sa detention facility, lakip ang paggamit sa iyang CPAP machine, pag-inom sa giresetang mga tambal, ug pagkonsulta sa iyang mga doktor kung gikinahanglan.
Si Romualdez giakusahan sa pagkalambigit sa giingong P7.44 bilyon nga kickbacks nga nalambigit sa mga flood-control, infrastructure ug uban pang proyekto sa gobyerno.
Photo Courtesy:wikipedia
