Gisundan sa halapad nga protesta ang pipila ka dapit sa Syria tungod sa padayon nga pagtaas sa presyo sa mga produktong petrolyo. Gihimo kini human gitaas sa gobyerno ang presyo sa diesel hangtod sa 40% ug ang petrol ngadto sa 28%, nga miresulta sa pagbabag sa mga nag-unang kalsada sa mga raliyista sulod sa pipila ka oras.
Lakip sa mga dapit nga nakasinati og grabeng mga protesta ang mga bahin sa Hama, Khan Sheikhoun, ug Maarat al-Numan. Matod pa sa Syrian Energy Minister nga si Mohammed al-Bashir, ang ilang nasud makahimo lamang og 102,000 ka bariles sa langis kada adlaw samtang ang kinahanglanon sa nasud moabot sa 325,000 ka bariles kada adlaw, hinungdan nga nagsalig sila sa mga gipamalit o gihinginlan gikan sa gawas aron mapuno ang kakulangan.
Gipasalig hinuon sa Ministry of Energy nga tun-an nila pag-ayo ang mga presyo sa tibuok kalibutan nga merkado diin kanunay nag-usab-usab ang kahimtang sa global market.
Photo courtesy: Ahmed Albam/AP
