Giaprubahan sa House Committee on Appropriations ang gisugyot nga P7.2-trillion national budget alang sa tuig 2027. Gipasabot ni Committee Chairperson Mikaela Suansing nga wala kini nahimong unanimous ug gipasa ang report nga walay mga giusab o amendments samtang wala pa nagtigom ang Budget Amendments Review Subcommittee (BARSC).
Hisgutan ang mga gisugyot nga pagbag-o human mag-convene ang BARSC, lakip na ang dugang pondo alang sa pagkuha og bag-ong magtutudlo ug sa ARAL program sa Department of Education. Nangayo usab og dugang pondo ang Department of Agriculture alang sa fertilizer assistance ug solar-powered irrigation pumps aron mabatukan ang epekto sa El Niño. Gipasalig ni Suansing nga i-livestream ang mga sunod nga panaghisgot sa BARSC aron mahimong abli sa publiko ang bisan unsang kausaban sa nasudnong pondo.
Target sa mga magbabalaud nga maaprubahan kini sa hingpit sa dili pa moabot ang Oktubre 9.
Photo courtesy: House of Representatives
