Subli karong nanawagan ang biktima nga nadasmagan sa aktor nga si Niño Muhlach, sa gisaad nga tabang niini. Ang biktima nga si Nicolas Villanueva, nagpost sa iyang Facebook account, tulo ka semana human akasidente sa miaging buwan, wa pa gihapon matud pa’y klarong aksyon ang kampo sa aktor.
Nisaad matud pa ang aktor og tabang pinansyal ingon man bag-ong motor sa biktima apan wa pa kini madawat sa biktima. Gidugang usab ni Villanueva nga hangtod karon wa pa siya nakabalik sa iyang trabaho gumikan sa iyang nahiaguman.
Kahinumduman nga sa miaging buwan, nalambigit sa usa ka aksidente si Muhlach human nakapiyong samtang nagmaneho, diin midaro kini og tindahan.
Photo Courtesy: PEP.ph
