Nadakpan sa hiniusang operasyon sa CIDG Region XI ug Digos City Police Station ang lalaking giila nga si alyas Dan sa Digos City, Davao del Sur niadtong nakalabay nga adlaw.
Giingong nagpraktis og dentistry ang suspek bisan walay awtorisasyon gikan sa tukmang ahensya sa gobyerno. Nakuha gikan kaniya ang ₱500 nga marked money ug tulo ka boodle money nga tag-₱1,000, lakip ang nagkadaiyang dental ug orthodontic materials sama sa dental instruments, brackets, arch wires, curing light, power chains ug orthodontic adhesive.
Tungod niini, mag-atubang ang suspek og kaso sa paglapas sa Republic Act 9484 o Philippine Dental Act of 2007.
Anaa karon sa temporaryong kustodiya sa CIDG Davao del Sur ang suspek. Samtang giandam ang reklamo pinaagi sa inquest proceedings.
