Arestado ang usa ka lalaki kinsa nagpayuhot sa ginadiling drugang shabu pinaagi sa gilusad nga drug buy-bust operation didto sa Bolicon, Barangay Turno, Dipolog City niadtong milabayng adlaw.
Giila ang dinakpan nga si alyas Bimbo, 39 anyos, kinsa nasakmitan sa 5 ka sachet nga dunay sulod gituohang shabu, 500 peso bill nga buy bust money ug uban pang mga non-drug items.
Mokabat sa 2 ka gramo ang timbang sa nasakmit nga druga nga nagkantidad ug Php13,600.00. Gilusad ang maong operasyon pinaagi sa mga personahe sa Zamboanga del Norte Police Drug Enforcement Unit isip lead unit, kauban ang Dipolog City Police Station.
Balhog sa selda sa Dipolog CPS ang dinakpan alang sa tukmang disposisyon. Samtang ang mga ebidensya giturnover sa Zamboanga del norte Provincial Forensic Unit alang sa eksaminasyon.
Photo Courtesy: The Guardian
