Nagkagrabe pa ang wildfire o dagkong sunog sa Indonesia ug gilauman nga hapit na kini makalabaw sa rekord sa carbon emissions nga natala niadtong 2015. Sumala sa mga eksperto sa kinaiyahan, ang nagpadayon nga mga sunog sa daghang bahin sa Indonesia posibleng mopagawas pa og dakong kantidad sa carbon emissions nga halos katumbas sa usa sa labing grabe nga sunog nga nasinati sa nasod niining sigloha. Base sa pinakabag-ong datos gikan sa Global Fire Emissions Database, miabot na sa 76 milyong tonelada sa carbon (MtC) ang gipagawas sa mga sunog sa Indonesia karong tuiga.
Tungod sa paspas nga pagsaka sa carbon emissions, ang kahimtang karong 2026 nagsunod sa susamang lebel ug dagan sa makalilisang nga wildfire niadtong 2015. Niadtong tuiga, mokabat sa 2.6 milyong ektarya nga yuta ang nasunog ug nakapagawas og kinatibuk-ang 333 milyong tonelada sa carbon emissions.
Nagpadayon ang mga awtoridad sa Indonesia sa pagpaningkamot sa pagpugong ug pagpalong sa nagkadakong mga sunog. Samtang, padayon usab ang mga eksperto sa pagpasidaan bahin sa seryosong epekto niini sa kahimsog sa mga tawo ug sa kinatibuk-ang klima sa rehiyon. Ang nagpadayon nga wildfire nagdala usab og kabalaka tungod sa posibilidad nga mosamot pa ang polusyon sa hangin ug ang pagpagawas sa greenhouse gases kung dili dayon mapugngan ang pagkaylap sa mga sunog.
Photo courtesy: unearthed.greenpeace.org
