Nakadawat og pagsaway sa mga opisyal sa South Korea ang accommodation sa Asian Games sa Nagoya, Japan, nga ilang gihulagway nga “pinakagrabe sukad.” Ang mga temporaryong cabin adunay mubo nga mga higdaanan ug adunay reklamo bahin sa nagtulo nga lababo ug nabasa nga salog. Wala usab dedicated athletes’ village alang sa Games.
Kapin sa 17,000 ka atleta ug opisyal ang gilauman nga motambong, hinungdan sa kakulang sa accommodation. Sa Pilipinas, giingon sa Philippine Olympic Committee nga ang tanang atleta adunay kwarto, apan ang ubang opisyal sama sa mga coach gibutang sa lain-laing hotel ug Airbnb.
Aron masulbad ang kakulang sa kwarto, gamiton usab ang cruise ship nga Costa Serena, diin mopuyo ang mga 4,000 hangtod 5,000 ka atleta. Ang Asian Games opisyal nga magsugod karong Sabado.
Photo courtesy: Tokai TV YouTube, Japan
