Kinsay magdahom nga sa pag-abli sa maleta sa airport, dili sinina o sapatos ang makita—kundi ulo sa buaya. Mao kini ang nakapatingala sa customs police sa Caselle Airport sa Italy human madiskobrehan sa bagahe sa usa ka pasahero ang pina-ugang ulo sa buaya nga giputos lang og ordinaryong wrapping paper.
Sumala sa impormasyon nga gikan sa Miami ang pasahero ug pag-abot sa Italy, giinspeksyon ang bagahe niini ug gikakurat sa customs officer nga inay mga souvenir iyang makita ang ulo sa buaya nga nagsmile ang iyang nakita.
Gikumpiska dayon ang ulo ug giimbestigahan ang lalaki tungod sa pagdala sa parte sa protected species nga walay permit. Matud pa sa balaod kung makonbik kini mahimo siyang multahan og hangtod 200,000 euros ug mapriso.
Mao nga kung manglaag mo, sinina ug chocolate na lang ang dad-a—ayaw gyud og ulo sa buaya kay basin ang inyong “welcome home” mahimong “welcome to jail.
Photo Courtesy: Zamin.uz
