Gipanghimakak ni Presidente Ferdinand Marcos Jr. ang mga pasangil sa iyang mga kritiko nga usa lamang ka “staged drama” ang pag-aresto sa iyang ig-agaw nga si kanhi House Speaker ug Leyte Representative Martin Romualdez may kalabotan sa ₱7.4-bilyong plunder case.
Sumala sa Presidente, ang maong mga pamahayag mga political attacks lamang batok sa iyang administrasyon aron ipatugbaw nga walay bili ang gihimo sa gobyerno, ug dili kini nagpakita sa opisyal ug sakto nga proseso nga gisunod sa korte.
Una nang gidakop si Romualdez human magpagawas og warrant of arrest ang Sandiganbayan base sa kasong gisang-at sa Office of the Ombudsman bahin sa giingong anomalya sa flood control projects.
Sa kasamtangan, nagpabilin kini sa Philippine General Hospital (PGH) aron ipailalom sa independent medical examination gikan sa Cardinal Santos Medical Center. Gipamatud-an usab ni Interior Secretary Jonvic Remulla nga wala manghilabot ang Presidente sa maong arrest, ug bisan pa man kun sakit kini para kang Marcos tungod sa ilang pagkasuod, gipahamtang gihapon ang balaod ug ang legal nga proseso batok sa kanhi opisyal
Photo Courtesy: House of Representatives file photo
