Temporaryong gisirad-an sa Saudi Arabia ang 1,200-kilometros nga East-West oil pipeline human kini giatake sa mga drone gikan sa Iraq, nga nagdala og dakong kadaot sa pasilidad ug nagpakita sa paglala sa tensyon sa Middle East.
Gikumpirma sa Iraq nga gilusad ang mga drone gikan sa Maysan province duol sa Iran, hinungdan nga gikuhaan gilayon sa katungdanan ang ilang lokal nga military operations commander samtang nagpadayon ang imbestigasyon. Bisan pa man nga nagpahimangno ang Riyadh nga andam silang modepensa sa ilang soberanya, nitug Anay sila nga dili usa mobalos ug mosuporta sa paningkamot sa Iraq nga mapugngan ang susamang mga pag-atake.
Sa pikas bahin, ang mga Houthi nga suportado sa Iran padayon usab nga nagpalapad sa ilang kontrol sa mga baybayon sa Yemen, lakip ang estratehikong lungsod sa Mokha ug ang Bab al-Mandab Strait.
Tungod kay ang maong giatake nga pipeline sa Saudi nagdala og gibanabanang 4% hangtod 5% sa global oil supply, misaka na sa kapin $100 kada baril ang presyo sa krudo sa merkado diin nidugang sa kahadlok sa kalibutan sa posibleng pagsaka sa inflation ug pagkabalda sa global trade.
Photo Courtesy: BigGO Finance
