Yara sa P300,000.00 nga balor sang mga bulong ang ginhatag nga libre sang Department of Health ukon DOH-SOCCSKSARGEN sa mga residente kag partisipante sang LEGISHEAR “Bawat Batas Mahalaga” sa Koronadal City.
Ginpatigayon ang nasambit nga aktibidad sang Setyembre 12 tubtob 13, 2026 sa Koronadal Central 1 Elementary School, kun sa diin naghatag ang DOH sang libre nga medical consultation kag essential medicines.
Ang mga konsultasyon ginpatigayon sang Doctors to the Barrios nga mga doktor halin sa South Cotabato, nga ginpanguluhan ni Dr. Marilou Barbara Libatique, Provincial DOH Officer.
Pagkatapos sang konsultasyon, libre man nga gipanghatag ang nagkalain-lain nga bulong, lakip ang maintenance medicines, antibiotics kag vitamins.
Suno sa DOH-SOCCSKSARGEN, kabahin ini sang ila panikasog nga madala diretso sa komunidad ang importante nga health services kag bulong, ilabi na sa mga pumuluyo nga may kabudlayan sa pag-access sini.
Photo Courtesy: DOH- Center for Health Development Soccsksargen
