Dili lokal nga pondo kondili usa ka opisyal nga programa sa national government ubos sa Local Government Support Fund – Bagong Pilipinas Rice Program ang gipahigayon nga Rice Distribution sa mga kabarangayan, diin miabot sa 48,500 ka poor, near-poor, vulnerable, ug minimum-wage earners nga pamilya gikan sa 56,660 ka target households ang makadawat sa maong ayuda sa dakbayan sa Valencia
Giklaro ni City Spokesperson Jun Galario nga ang City Government — pinaagi sa City Social Welfare and Development Office (CSWDO) ug tabang sa mga barangay leaders — mitabang ug migamit lamang sa ilang probisyon sa pasilidad ug logistics aron masiguro ang hapsay, organisado, ug paspas nga pag-apod-apod sa bugas ngadto sa mga kwalipikadong residente
Sumala pa, gihimo ang proseso sa paglista sa matag barangay taliwala sa mga reklamo bahin sa pagpahibalo sa mga residente diin adunay kakulangon (shortage) tungod kay 48,500 ka households lamang ang aktwal nga naalokar ug naabot para sa maong distribusyon.
Gidugang ni Galario nga limitado lamang sa paghatag og venue ug logistical support ang papel sa mga lokal nga barangay aron malikayan ang kalibog sa publiko bahin sa gigikanan sa maong benepisyo ug gilaoman nga maabot sa sunod higayon kadtong wala nakadawat niini.
Photo Courtesy: Valencia City LGU
