Sobrang gikabiliban sa mga tawo didto sa Germany, ang usa ka talagsaon nga chess tournament nga gihimo ilawom sa tubig isip kabahin sa ika-100 nga anibersaryo sa SK Troisdorf Chess Club.
Nahimong espesyal ang maong kompetisyon tungod kay ang mga magdudula wala nagdula sa naandan nga chessboard sa yuta, kondili samtang anaa sa ilawom sa swimming pool. Adunay 24 ka divers ang miapil sa maong underwater chess tournament ug nagkompetensya sila sulod sa lima ka rounds.
Ilang gipakita dili lamang ang ilang abilidad sa chess, kondili ang ilang kusog ug kontrol sa kaugalingon samtang anaa sa ilawom sa tubig. Wala tugoti ang mga partisipante sa paggamit og oxygen tank o snorkel diin kinahanglan nilang himuon ang mga lihok nga pinakaabtik sa pag dula sa chess samtang anaa sa ilawom sa tubig.
Tungod kay dili sila makasulti samtang anaa sa ilawom sa tubig, migamit ang mga magdudula og hand signals aron makigkomunikar sa ilang mga kontra, busa, gawas sa estratehiya sa chess, importante usab ang tukmang timing ug koordinasyon sa matag partisipante.
Photo Courtesy: Reuters
