Nakadawat og pinansyal nga ayuda ang labing menos 24 ka mga biktima sa sunog sa Hope Street, Barangay V niadtong Sept. 9 isip tabang sa ilang pagbangon human sa dakong kadaot nga ilang nasinati tungod sa sunog.
Gipanghatag ang cash assistance pinaagi sa Assistance to Individuals in Crisis Situations (AICS) program sa City Social Welfare and Development Office (CSWDO), diin gitumong ang ayuda alang sa mga pamilyang naapektuhan sa insidente.
Nadawat ang ₱5000 ngadto sa ₱10,000 mil sa mga nangagupok nga mga balay og dili na masalbar, samtang sa mga sharers og renters makadawat og ₱1,000 ngadto sa ₱3,000 pesos.
Kahinumdoman nga niadtong Sept. 3, 2025, nasunog ang maong lugar nga miresulta sa grabeng kadaot sa mga panimalay ug kabtangan, ug nakaapekto sa matag indibidwal.
Photo Courtesy: LGU- SAN CARLOS CITY
