Patay ang usa ka 26-anyos nga lalaki samtang sa prisohan ang bagsak sa iyang 53-anyos nga amahan human kini nabunalan og kabilya sa ulo ug liog sa Sitio Mabuhay, Barangay West Dalurong, Kitaotao, Bukidnon.
Giilang ang biktima nga si alias “Jorje” gideklarang dead-on-arrival sa Bukidnon Provincial Hospital sa Maramag pasado alas 10:30 sa buntag Setyembre 8, 2026, tungod sa grabeng samad nga naangkon niini.
Nagsugod ang trahedya niadtong Septiyembre 7, pasado alas 9:00 sa gabii samtang nag-away ang biktima ug ang iyang igsuon. Sa dihang mosuntok na unta si Jorje sa iyang igsoon, mibagting ug mibadlong ang ilang amahan gamit ang usa ka puthaw nga kabilya (steel bar) nga maayong pagka-igo sa ulo ug liog sa biktima. Tungod sa kahilit sa dapit, kinahanglan pang baktason ug sagakayon ang biktima sulod sa tulo (3) ka oras paingon sa sentro sa barangay aron lang makapangita og sakyanan padulong sa hospital hinungdan wala na nasalbar pa.
Gikuptan na karon sa Kitaotao Municipal Police Station (MPS) ang suspek nga amahan human nadakpan ra sab sa Barangay West Dalurong. Giandam na sa kapulisan ang pormal nga kaso nga ipasaka batok sa amahan samtang nagpabilin kini sa temporaryong pasilidad sa kapulisan alang sa sakto nga disposisyon
Photo Courtesy:Kitaotao Municipal Police Station
