Gidakop sa mga sakop sa Zamboanga Sibugay 1st Provincial Mobile Force Company o 1st PMFC ang usa ka babaye nga wanted person sa kasong qualified theft sa alas 2:55 sa hapon, niadtong nakalabay nga adlaw.
Ang dinakpan residente sa Barangay Mabini, lungsod sa Malangas, Zamboanga Sibugay. Ang maong kaso adunay gitakdang piyansa nga 40 mil pesos.
Sa panahon sa pagdakop, gipahibalo ang babaye sa hinungdan ug kinaiya sa iyang pagdakop, lakip ang iyang mga katungod ubos sa Miranda Doctrine ug ang pasidaan batok sa torture, gamit ang pinulongan nga iyang nasabtan.
Gidala ang dinakpan sa Malangas Municipal Police Station alang sa hustong dokumentasyon ug kustodiya.
