Opisyal nang gitugyan ang bag-ong ASCOBPU Senior Citizen Building nga nahimutang sa Barangay Poblacion, lungsod sa Buug, Zamboanga Sibugay, aron mahimong dugang nga pasilidad ug tigomanan sa mga senior citizen sa maong komunidad.
Ang proyekto nahimong posible pinaagi sa suporta sa Provincial Government sa Zamboanga Sibugay ubos sa pagpangulo ni Governor Ann K. Hofer, kauban si Provincial Engineer Engr. Cristopher Lazo, ug sa pakigtambayayong sa mga lokal nga lider sa lungsod sa Buug.
Pinaagi sa maong pasilidad, gilaoman nga mas mapalambo ang panag-uban, komunikasyon ug mga kalihokan sa mga senior citizen, lakip ang dugang nga mga programa ug serbisyo nga gitumong sa ilang kaayohan.
Gipasiugda usab sa maong kalihokan ang kamahinungdanon sa paghatag og angay nga lugar alang sa mga lolo ug lola aron mas mapalig-on ang ilang partisipasyon sa komunidad ug mapadayun ang mga serbisyo alang sa ilang kaayohan.
