Nadakpan sa kapulisan ang usa ka 41-anyos nga construction worker nga giila sa alyas nga “Rolly” atol sa pagpatuman sa search warrant sa Sitio Tawan, Barangay Tagbac, Magpet, Cotabato, alas-11:34 sa gabii niadtong Oktubre 21, 2026.
Gipahigayon ang operasyon ubos sa pagpanguna ni PLT Allan U. Otayde, Deputy Chief of Police sa Magpet Municipal Police Station, kauban ang mga personahe sa Cotabato Police Provincial Office Provincial Drug Enforcement Unit ug Provincial Intelligence Unit, pinaagi sa koordinasyon sa PDEA Regional Office XII.
Narekober ang usa ka sling pouch nga adunay duha ka heat-sealed transparent plastic sachet nga gituohang adunay shabu, subay sa search warrant nga may kalabotan sa giingong paglapas sa Section 11, Article II sa Republic Act No. 9165 o Comprehensive Dangerous Drugs Act of 2002.
Sa kasamtangan, anaa na sa kustodiya sa kapulisan ang suspek alang sa dokumentasyon ug dugang nga proseso sa kaso. Padayon usab ang Magpet MPS sa kampanya batok sa ilegal nga droga aron mapanalipdan ang kalinaw ug kaluwasan sa komunidad.
Photo courtesy: PNP Magpet Municipal Police Station
