Gipailalom sa drug testing ang mga regular nga empleyado sa Sangguniang Panlungsod ug sa mga personahe sa City Administrator’s Office (CAD), ning miaging semana lakip ang nagkalainlaing dibisyon niini, isip kabahin sa paningkamot sa dakbayan nga mapadayon ang luwas, himsog ug walay ilegal nga droga nga palibot sa trabahoan.
Gipahigayon ang maong kalihokan sa SMA Medical Laboratory Drug Test and Diagnostic Center, sa tabang sa City Mayor’s Office–Iligan City Anti-Drug Abuse Council (CMO-ICADAC).
Tumong niini nga mapalig-on ang disiplina, pagkamay tulubagon ug katin-awan sa pagserbisyo sa mga kawani sa kagamhanan, ingon man mapadayon ang pagsalig sa publiko sa mga empleyado nga nagserbisyo sa katawhan.
Pinaagi niini, gipalig-on sa lokal nga panggamhanan ang paningkamot nga masiguro nga ang mga kawani makatuman sa ilang mga katungdanan nga adunay integridad, responsibilidad ug pagtagad sa kaayohan sa mga Iliganon.
