Napasar na sa ikatulo ug pinal nga pagbasa sa ubos Balay-Balaoranan sa Kongreso ang House Bill 10971 nga naglatid sa lima ka tuig nga termino alang sa mga opisyal sa Barangay ug Sangguniang Kabataan (SK). Nakuha sa maong balay-balaodnon ang suporta sa 211 ka mga mambabalaod samtang 13 lamang ang nibotar og kontra.
Pinaagi sa maong balaodnon, i-amendar ang Republic Act No. 12232 aron opisyal nga patas-an ang serbisyo sa mga lokal nga lider gikan sa upat ngadto sa lima ka tuig. Tungod niini, ang gipahigayon nga eskedyul sa mosunod nga Barangay ug SK Elections (BSKE) iuswag gikan sa Nobyembre 2026 ngadto sa Nobyembre 2028, ug gikatakda na nga matigayon matag lima ka tuig human sa maong piniliay.
Ubos sa maong probisyon, ang mga naglingkod nga opisyal isipon nga nakakompleto na og usa ka termino tungod sa duha ka tuig nga ekstensyon sa ilang serbisyo. Ang mga opisyal usab nga nakaserbisyo na sa ilang katapusang gitugot nga termino dili na makatala alang sa parehong posisyon, samtang pabilin gihapon sa usa ka termino lamang ang limitasyon para sa mga opisyal sa SK.
Samtang ang pondo nga wala pa nagamit alang sa orihinal nga 2026 BSKE pabilin nga itagana sa Commission on Elections (Comelec) aron magamit sa gihan-ay nga piniliay sa tuig 2028
Photo Courtesy:KAMARA
